કુકરમુંડા તાલુકાનાં તોરંદા ગામે રહેતા ખેડૂત ઈશ્વરભાઈ સેવાભાઈ વસાવાનાં સંતાનમાં બે પુત્ર પૈકી નાનો પુત્ર આતિશ (ઉ.વ.21) કુકરમુંડાનાં મેણપુર ગામે આવેલ તેઓનાં ખેતરમાં પિતા સાથે ખેતી કામ કરતો હતો. જોકે શુક્રવારની સાંજે આતિશે માતા સવિતાબેન પાસે વાપરવા માટે પૈસા માંગ્યા હતા.

પરંતુ માતાએ પૈસા ના આપતા આતિશને મન દુઃખ થયું હતું અને ખોટું લાગી આવતા ઘરેથી બાઈક લઈને મેણપુર ગામે પોતાના ખેતરમાં ગયો હતો અને ઉમરાની વૃક્ષની ડાળી સાથે ઓઢણી વડે ગળે ફાંસો ખાઈ આપઘાત કરી લીધો હતો. જયારે મોડી સાંજે પણ આતિશ ઘરે પરત ન થતા પરિવારે શોધખોળ કરી હતી તે દરમિયાન ખેતરમાં ફાસો ખાધેલી હાલતમાં તેની લાશ મળી આવી હતી. ઘટના અંગે પિતા ઈશ્વરભાઈએ નિઝર પોલીસ મથકે અકસ્માત્મક ગુનાની ફરિયાદ આપી હતી.