મનિષા એસ. સુર્યવંશી/તાપી : તાપી જિલ્લાનાં વ્યારા પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપીને વલસાડ જિલ્લાનાં ઉમરગામ કબ્રસ્તાનની સામે આવેલ સી વુડ એપાર્ટમેન્ટ પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો આજરોજ વોન્ટેડ આરોપી બાબતે માહિતી મેળવવા તજવીજ હાથ ધરી હતી.

તે દરમિયાન ખાનગી રાહે મળેલ બાતમીનાં આધારે, વલસાડ જિલ્લાનાં ઉમરગામ કબ્રસ્તાનની સામે આવેલ સી વુડ એપાર્ટમેન્ટ પાસેથી વ્યારા પોલીસ સ્ટેશનનાં પ્રોહીબીશનનાં ગુન્હામાં નાસતો ફરતો વોન્ટેડ આરોપી અમર ઉર્ફે વાડી એકનાથ સોલંકી (ઉ.વ.39., રહે.મોતી ભવન, નવા ફળિયું, તા.વાંસદા, જિ.નવસારી., હાલ રહે.ફ્લેટ નંબર-905, સી વુડ એપાર્ટમેન્ટ તા.ઉમરગામ, જિ.વલસાડ)ને ઝડપી પાડી આગળની વધુ કાર્યવાહી માટે વ્યારા પોલીસ મથકે સોંપવામાં આવ્યો હતો.