બારડોલી રૂરલ પોલીસ સ્ટેશનમાં દારૂની હેરાફેરીના ગુનામાં છેલ્લા 10 માસથી નાસતા ફરતા આરોપીને બાતમીનાં આધારે તાપી જિલ્લા એસ.ઓ.જી.એ ઉચ્છલ ત્રણ રસ્તા પાસેથી ઝડપી લીધો હતો અને બારડોલી પોલીસને હવાલે કર્યો હતો. તાપી એસ.ઓ.જી. શાખાની ટીમ ઉચ્છલ પોલીસ સ્ટેશન વિસ્તારમાં પેટ્રોલિંગમાં હતી. તે દરમિયાન બાતમી મળી હતી કે, બારડોલી રૂરલ પોલીસ સ્ટેશનના પ્રોહીબીશન ગુનાનો નાસતો ફરતો આરોપી નિલેશ ઉર્ફે દિલેશ ફતેસિંગ માવચી (રહે.ખેકડા ગામ, ધોરડીપાડા ફળિયું, તા.નવાપુર, જિ.નંદુરબાર, મહારાષ્ટ્ર) ઉચ્છલમાં છે જે બાતમી મુજબ વોચ ગોઠવી ઉચ્છલ ત્રણ રસ્તા પાસેથી આરોપી નિલેશ માવચીને ઝડપી પાડી આરોપીને બારડોલી પોલીસને આગળની વધુ કાર્યવાહી માટે સોંપવામાં આવ્યો હતો.