ડોલવણ તાલુકામાંથી પસાર થતા હાઇવે માર્ગ ઉપર પાટીકુવા શાકભાજી માર્કેટ પાસે એક ટ્રક ચાલકે બાઈકને અડફેટે લેતા યુવકનું ઘટના સ્થળ ઉપર કમકમાટીભર્યું મોત નીપજ્યું હતું. અકસ્માત અંગે પોલીસે કાર્યવાહી હાથ ધરી હતી. મળતી માહિતી મુજબ, ડોલવણનાં પાટીકુવા શાકભાજી માર્કેટ પાસેથી હાઇવે માર્ગ ઉપર ડોલવણનાં દાદરી ફળિયામાં રહેતા અમિતભાઈ મોહનભાઈ ચૌધરી નાઓ પોતાની યુનિકોન બાઈક નંબર GJ/26/P/7200 લઈને ડીઝલ ભરાવવા માટે જઈ રહ્યા હતા. તે સમયે એક ટ્રક કન્ટેનરના ચાલકે પોતાના કબ્જાનું વાહન પુરઝડપે અને ગફલતભરી રીતે હંકારી લાવી વ્યારાથી ઉનાઈ તરફ જતા શાકભાજી માર્કેટ પાસે બાઈક ચાલકને અડફેટે લેતા બાઈક ચાલકનું ગંભીર ઈજાને કારણે ઘટના સ્થળ ઉપર જ મોત નીપજ્યું હતું. બનાવ અંગે પોલીસે આગળની વધુ કાર્યવાહી હાથ ધરી હતી.