મનિષા સુર્યવંશી/વ્યારા : સોનગઢનાં જેસીંગપુરા ટેકરા પાસેનાં હાઈવે રોડ ઉપરથી મોપેડ બાઈક પર વિદેશી દારૂનાં મુદ્દામાલ સાથે એક યુવકને પકડી પાડી પોલીસે કાયદેસરની કાર્યવાહી હાથ ધરી હતી. મળતી માહિતી મુજબ, તાપી એલસીબી પોલીસ સ્ટાફનાં માણસો ખાનગી વાહનમાં બેસી સોનગઢ પોલીસ સ્ટેશન વિસ્તારમાં પેટ્રોલીગમાં હતા.

તે સમયે એક યુવક મોપેડ બાઈક નંબર જીજે/30/સી/2956ની ઉપર આગળનાં ભાગે બે બેગમાં કંઈક મૂકી લઈ જતો હોય જેથી પોલીને યુવક ઉપર પ્રોહી.અંગે શક જતા પોલીસે જેસીંગપુરા ટેકરા પાસે હાઈવે રોડ ઉપર યુવકને લાકડીનો ઈશારો કરી મોપેડ બાઈકને ઉભી રખાવી હતી. ત્યારબાદ યુવકનું નામ પૂછતા તેને પોતાનું નામ રાહુલભાઈ અશ્વિનભાઈ રૂશી (ઉ.વ.31, રહે.નવાપુર-નારણપુર રોડ, ક્રિકેટ ગ્રાઉન્ડ પાસે, નવાપુર)ના હોવાનું જણાવ્યું હતું.

​

જોકે પોલીસે મોપેડ બાઈકની આગળ તપાસ કરતા ત્યાં મુકેલ બે બેગમાંથી વગર પાસ પરમીટે ભારતીય બનાવટની વિદેશી દારૂની કુલ 196 બોટલો મળી આવી હતી. આમ, પોલીસે મોપેડ બાઈક જેની કિંમત રૂપિયા 25,000/- અને વિદેશી દારૂની કુલ 196 બોટલો જેની કિંમત રૂપિયા 9,600/- મળી કુલ રૂપિયા 34,600/- મુદ્દામાલ કબ્જે કરી પકડાયેલા યુવક વિરુદ્ધ ગુનો નોંધી કાયદેસરની કાર્યવાહી હાથ ધરી હતી.