મનિષા એસ. સુર્યવંશી/વ્યારા : વાલોડનાં ચાર રસ્તા પાસેથી પાટીલ ગેરેજવાળાની પાછળ આવેલ રહેણાંક વિસ્તારમાં પોલીસ રેઈડમાં ઈંગ્લીશ દારૂ મળી આવ્યો હતો. મળતી માહિતી મુજબ, તાપી એલ.સી.બી. પોલીસ સ્ટાફનાં માણસો રવિવારનાં રોજ ખાનગી વાહનમાં બેસી વાલોડ પોલીસ સ્ટેશન વિસ્તારમાં પેટ્રોલીગમાં હતા. તે દરમિયાન ફરતા ફરતા વાલોડ વેડછી સર્કલ પાસે આવતાં ખાનગી રાહે બાતમી મળી હતી કે, વાલોડનાં પાટીલ ગેરેજવાળાની પાછળ રહેતી એક મહિલા શોભનાબેન અનિલભાઈ ગામીત ચોરી છુપીથી પોતાના ઘરે ગેરકાયદેસરનું ઈંગ્લીશ દારૂનું વેચાણ કરે છે. જે બાતમીના આધારે બાતમીવાળી જગ્યા પર પહોંચતા મહિલા પોલીસની રેઈડ જોઈ સ્થળ ઉપરથી ભાગી છૂટી હતી. ત્યારબાદ પોલીસે ઘરનાં પાછળનાં ભાગે આવેલ પજારીનાં ભાગેથી એક કાપડની થેલીમાં ભારતીય બનાવટનો ઈંગ્લીશ દારૂની બોટલો મળી આવી હતી. બનાવ અંગે પોલીસે મહિલા વિરુદ્ધ ગુનો નોંધી કાર્યવાહી હાથ ધરી હતી.