વ્યારા તાલુકાનાં ઝાંખરી ગામ તરફ જતા રોડ ઉપર ડોલારા ગામે ડુંગરી ફળીયામાં પાર્ક ટ્રેક્ટર સાથે બાઇક અથડાતાં એકનું મોત નીપજ્યું હતું, જ્યારે બે મહિલાઓ ઈજાગ્રસ્ત થઈ હતી. સુત્રો પાસેથી મળતી માહિતી અનુસાર, ડોલારાથી ઝાંખરી ગામ તરફ જતાં રોડ ઉપર ગત તા.6/9/2022નાં રોજ સવારે ટ્રેક્ટર નંબર GJ/26/N/6421), ટ્રોલી રજી નંબર GJ/26/T/5338નાં ચાલકે રસ્તા પર ટ્રેક્ટર ઉભુ રાખી સુચક ચિન્હો મુક્યાં ન હતા.

જોકે તે અરસામાં બાઇક નંબર GJ/26/F/7146 ઉપર પેરવડથી વ્યારા તરફ આવતા સુરેશભાઇ બાબુભાઇ ગામીત (ઉ.વ.42) અને તેમની સાથે સંગીતાબેન ગામીત, સંજનાબેન ગામીત (ત્રણેય રહે. પેરવડ ગામ, નિચલુ ફળીયુ) નાની બાઇક રોડ ઉપર ઉભેલા ટ્રેક્ટરની પાછળ ધડાકાભેર અથડાઇ હતી. જયારે આ અકસ્માતમાં ત્રણેય રોડ ઉપર ફેંકાયાં હતાં જેમાં બાઇક ચાલક સુરેશભાઇ ગામીતને માથામાં ગંભીર ઇજા થતા સ્થળ પર જ મોત નીપજ્યું હતું, જ્યારે સંગીતાબેન ગામીત અને સંજનાબેન ગામીત નાને ઇજા થતાં સારવાર માટે હોસ્પિટલે ખસેડવામાં આવ્યા હતા.