મનિષા સુર્યવંશી : સોનગઢ ST બસ સ્ટેશન પાસેથી એક યુવકને વગર પાસ પરમીટે વિદેશી દારૂનાં જથ્થા સાથે ઝડપાતા પોલીસે કાયદેસરની કાર્યવાહી હાથ ધરી હતી. મળતી માહિતી મુજબ, તાપી એલ.સી.બી. પોલીસ સ્ટાફનાં માણસો ગતરોજ મોડી સાંજે ખાનગી વાહનમાં બેસી સોનગઢ પોલીસ સ્ટેશન વિસ્તારમાં પ્રોહી. ગુના અંગે પેટ્રોલીગમાં નીકળ્યા હતા.

તે દરમિયાન ખાનગી રહે બાતમી મળી હતી કે, સોનગઢ ST બસ સ્ટેશન પાસે એક યુવક વગર પાસ પરમીટે ભારતીય બનાવટનાં વિદેશી દારૂ પોતાના પાસે રહેલ બેગમાં ભરી બસની રાહ જોઈ ઉભેલ છે. જે બાતમીનાં આધારે પોલીસ સ્ટાફનાં માણસો સોનગઢ પોલીસ સ્ટેશન પાસે આવતાં ત્યાં આગળ એક ઈસમ બસની રાહ જોઈ ઉભેલ જોવા મળતા પોલીસે યુવકની અંગઝડતી કરી તથા તેની પાસે રહેલ બેગમાં ચેક કરતા ભારતીય બનાવટની વિદેશી દારૂની 192 બોટલ મળી આવી હતી.

જેની કિંમત રૂપિયા 9,600/- હતી. ત્યારબાદ ઝડપાયેલ યુવકનું નામ પૂછતા તેણે પોતાનું નામ, ચોકેશભાઈ ઉંદાડિયાભાઈ માવચી (ઉ.વ.23, રહે.ખેખડા ગામ, ગગુનનગર ફળિયું, નવાપુર)ના હોવાનું જણાવ્યું હતું. જોકે, પોલીસે વિદેશી દારૂનો જથ્થો અને 1 નંગ મોબઈલ મળી કુલ રૂપિયા 10,100/- મુદ્દામાલ કબ્જે કરી કાયદેસરની કાર્યવાહી હાથ ધરી હતી.