સોનગઢનાં ઓટા ગામના મેઈન રોડ ઉપરથી એક આઈશર ટેમ્પો માંથી 11 ભેંસને ઉગારી લેવામાં આવી  હતી. જોકે ટેમ્પો ચાલક સહિતના આરોપીઓ નાશી છુટ્યા હતા. મળતી માહિતી મુજબ તાપી જિલ્લાની સરહદને અડીને આવેલ મહારાષ્ટ્ર રાજ્યના નવાપુર રોડથી સાક્રી તરફ જતો સોનગઢ તાલુકાના ઓટા ગામના મેઈન રોડ ઉપરથી રવિવાર નારોજ એક મેટાલીક કલરનો આઈશર ટેમ્પો નંબર જીજે/૨૬/ટી/૭૭૫૭ને પોલીસએ ઝડપી પાડ્યો હતો.

આઈશર ટેમ્પોમાં તપાસ કરતા તેમાંથી પાણી કે ચારાની સગવડ વિના ખીચોખીચ હાલતમાં ટુકી દોરી વડે બાંધેલી ૧૧ ભેંસો મળી આવી હતી. જોકે ટેમ્પો ચાલક સહિતના આરોપીઓ નાશી છુટ્યા હતા. આ બનાવમાં પોલીસ કોન્સ્ટેબલ યોગેશભાઈની ફરિયાદના આધારે ૧૧ ભેંસો કુલ રૂપિયા ૫,૫૦,૦૦૦/તથા આઈશર ટેમ્પો કિંમત રૂપિયા ૫,૦૦,૦૦૦/ મળી કુલ રૂપિયા ૧૦,૫૦,૦૦૦/- નો મુદ્દામાલ કબજે કરી કાયદેસરની કાર્યવાહી હાથ ધરવામાં આવી છે.