સોનગઢ તાલુકાનાં ટોકરવા ગામે રહેતો એક બુટલેગરનાં શેરડીનાં ખેતરમાંથી પોલીસે રૂપિયા 39,000/-ની કિંમતનો વિદેશી દારૂ ઝડપી પાડ્યો હતો. સુત્રો પાસેથી મળતી માહિતી અનુસાર, સોનગઢ તાલુકાનાં ટોકરવા ગામે મિસ્ત્રી ફળિયામાં રહેતો સુનિલ ઉર્ફે ડેડીયો દશરથ ભાઇ ગામીત પોતાના ઘરે વિદેશી દારૂનું વેચાણ કરતો હોવાની બાતમી પોલીસને મળી હતી.

જે બાતમીનાં આધારે મંગળવારનાં રોજ બપોરનાં સમયે પોલીસ ટીમે બુટલેગરનાં ઘરે રેડ કરી હતી. જે દરમિયાન ઘરમાંથી વિદેશી દારૂ મળી આવ્યો ન હતો. પરંતુ વધુ તપાસ કરતાં તેના ઘરના પાછળ આશરે 200 મિટર પર આવેલા શેરડીનાં ઉભા પાક વાળા ખેતરમાંથી પાસ પરમિટ વિનાની ભારતીય બનાવટની વિદેશી દારૂની 686 બોટલ મળી આવી હતી.

જેની કિંમત રૂપિયા 39,000/- હતી. બનાવ અંગે સુનિલ ગામીત સામે પ્રોહીબિશન એક્ટના ભંગ બદલ સોનગઢ પોલીસ મથકે ગુનો દાખલ કરી તેની અટક કરવામાં આવી હતી.