મનિષા એસ. સુર્યવંશી/તાપી : કુકરમુંડાનાં ઊંઝા ગામે રહેતા મહાદુભાઈ દામજીભાઈ પાડવી, બલિરામભાઈ મહાદુભાઇ પાડવી અને રવિન્દ્રભાઈ લીલાભાઈ પાડવી નાઓએ તારીખ 16/06/2023નાં રોજ રસ્તા બાબતે બોલા ચાલી થતાં જેઓનું મન દુઃખ થયું હતું. જેનું રીશ રાખીને તારીખ 17/06/2023નાં રોજ ફરિયાદી જીતેન્દ્રભાઈ જુરાભાઈ વળવી (રહે.ઉમઝા ગામ, કુકરમુંડા)ને લાકડીનાં ઉપરાછપરી સપાટોઓ મારી જમણા હાથનાં ખભાનાં ભાગે તથા જમણા ગાલ ઉપર સામાન્ય ઇજા પહોંચાડેલ હતી.

તેમજ દિગબરભાઈને ડાબા હાથનાં અંગૂઠાનાં ભાગે સામાન્ય ઇજા પહોંચાડેલ હતી અને કાંતિલાલભાઈને હાથ વડે માર મારેલ હતો. તેમજ મહાદુભાઈ પાડવી, બલિરામભાઈ પાડવી અને રવિન્દ્રભાઈ પાડવી નાઓએ જીતેન્દ્રભાઈ વળવીને નાલાયક ગાળો આપી જાનથી મારી નાંખવાની ધમકી આપી હતી. બનાવ અંગે જીતેન્દ્રભાઈ વળવી નાંએ મહાદુભાઈ પાડવી, બલિરામભાઈ પાડવી અને રવિન્દ્રભાઈ પાડવી વિરુદ્ધ નિઝર પોલીસ મથકે ગુનો નોંધવતા પોલીસે ગુનો નોંધી કાયદેસરની કાર્યવાહી હાથ ધરી હતી.