મનિષા સુર્યવંશી/વ્યારા : વ્યારા નગરમાં આવેલ તળાવની પાસે પાર્ક કરેલ ડ્યુક બાઈક ચોરી થઈ હોવાની ફરિયાદ વ્યારા પોલીસ મથકે નોંધાવા પામી છે, મળતી માહિતી અનુસાર, વાલોડ તાલુકાનાં ધામોદલા ગામના વાડી ફળીયામાં રહેતો સજેશકુમાર કિશનભાઈ ચૌધરી નાનો ગત તા.06/10/2022 નારોજ વ્યારાના ગાયત્રી મંદિર નજીક તળાવની પાળ પાસે પોતાની  ડ્યુક બાઈક નંબર GJ/26/AC/5673ની પાર્ક કરી હતી.

જોકે કોઈ અજાણ્યા ચોર ઇસમે બાઈકનો લોક તોડી અથવા કોઈક રીતે બાઈકની ચોરી કરી નાશી છુટ્યો હતો. બનાવ અંગે સજેશકુમાર કિશનભાઈ ચૌધરીએ વ્યારા પોલીસ મથકે બાઈક ચોરી અંગેની ફરિયાદ આપતા પોલીસ દ્વારા તા.10/10/2022 નારોજ અજાણ્યા ચોર ઇસમ સામે ગુનો નોંધી કાયદેસરની કાર્યવાહી હાથ ધરી હતી.