મૂળ મધ્યપ્રદેશનાં રતલામ જિલ્લાનાં અને હાલ સુરત જિલ્લાના કામરેજ તાલુકાનાં વાવ ગામે આવેલ SRP કેમ્પના ગેટ નંબર-1 ની બાજુમાં આર.કે.કોલોનીમાં હીરાભાઈ ભરવાડની રૂમમાં રહેતા નાનુરામ મોતી ચરપોટા (ઉ.વ.30)નાઓ સોમવારે મોડી સાંજે 4:30 વાગ્યા અરસામાં રીનાબેન સંજયભાઈ ભાલીયાના ઘરની આગળથી નેશનલ હાઈવે નંબર-48 ક્રોસ કરી રહ્યા હતા. તે દરમિયાન અજાણ્યા વાહને જોરદાર ટક્કર મારતા યુવાનનું ઘટના સ્થળે જ કમકમાટી ભર્યું મોત નીપજ્યું હતું.