સુરત એલ.સી.બી તથા પેરોલ ફર્લો શાખાનાં માણસો નાસતા ફરતા આરોપીઓને પકડી પાડવા માટે અલગ અલગ ટીમો બનાવી પેટ્રોલીંગમાં હતા. તે દરમિયાન એલ.સી.બી શાખાના એ.એસ.આઈ તથા સ્ટાફનાં નાઓને સંયુક્ત રાહે બાતમીદાર થકી બાતમી મળી હતી કે, કામરેજ પોલીસ સ્ટેશનના પ્રોહીબીશનના ગુનામાં નાસતો ફરતો વોન્ટેડ આરોપી નામે અજય હરીશભાઈ ગામીત (રહે.નનસાડ ગામ, તા.કામરેજ, જિ.સુરત) નાને વાવ ગામે અમદાવાદ મુંબઈ હાઈવે નંબર-48 ઉપર રોડ ઉપર ઉભેલ છે. જે ઇસમે શરીરે પીળી કલરનું ટી-શર્ટ તથા બ્લુ કલરનું જીંસ પેન્ટ પહેરેલ છે. તેવી ચોક્કસ બાતમી આધારે પોલીસની એક ટીમ સ્થળ ઉપર જઇ આરોપી અજય હરીશભાઈ ગામીત (રહે.નનસાડ ગામ, તા.કામરેજ, જિ.સુરત) નાને પકડી પાડી આરોપી વિરૂધ્ધમાં કાયદેસરની કાર્યવાહી હાથ ધરી હતી.