સુરત જિલ્લામાં સ્પેશિયલ ઓપરેશન ગ્રૂપમાં મહિલા પોલીસ કોન્સ્ટેબલ તરીકે ફરજ બજાવતી મહિલા કર્મચારીનું કેન્સરની બીમારીને કારણે મોત નીપજ્યું હતું. મળતી માહિતી અનુસાર, સુરત જિલ્લાનાં કામરેજ તાલુકાનાં ખોલવાડ ગામે રહેતા અને સુરત જિલ્લા સ્પેશિયલ ઓપરેશન ગ્રુપમાં પોલીસ કોન્સ્ટેબલ તરીકે ફરજ બજાવતા જાશલબા સીસોદીયા (ઉ.વ.34)નાઓ છેલ્લા કેટલાક સમયથી કેન્સર જેવી જીવલેણ બિમારીથી પીડાતા હતા જેથી બુધવારે વહેલી સવારે ખાનગી હોસ્પિટલમાં સારવાર દરમિયાન તેઓનું મોત નીપજ્યું હતુ. પોલીસ કર્મીનાં નિધનથી પરિવારમાં શોકની લાગણી છવાઈ ગઈ હતી.