સુરત ગ્રામીણનાં કોસંબા પોલીસ મથક વિસ્તારમાંથી એક પ્રોવિઝન સ્ટોરમાંથી જુદી-જુદી બ્રાન્ડની કુલ 15 હજારથી વધુની ઇ-સિગેરટ કબ્જે કરી કાર્યવાહી હાથ ધરી હતી. મળતી માહિતી માહિતી અનુસાર, સુરત જિલ્લા ગ્રામ્યની કોસંબા પોલીસ મથકના માણસોને સયુંકત રાહે મળેલી બાતમી આધારે કોસંબા પોલીસ મથક વિસ્તારમાં આવેલ જી-ભાઈ પ્રોવિઝન સ્ટોર માંથી જુદી-જુદી બ્રાન્ડની ભારતમાં પ્રતિબંધિત એવી ઇ-સિગરેટને કબ્જે લીધી હતી. જોકે પોલીસે દુકાનમાંથી કુલ 15 હજારથી વધુની ઇ-સિગરેટ સાથે દુકાનદાર મહમદ અલી યાકુબ પટેલ (રહે.જુના કોસંબા, જૂની મરિયમબાઈ હોસ્પિટલની બાજુ પાસે, તા.માંગરોળ જી.સુરત) નાની અટકાયત કરી ગુના સંદર્ભે વધુ તપાસ હાથ ધરી હતી.