માંગરોળ તાલુકાનાં વાલેસા ગામનાં આદિવાસી ફળિયામાં રહેતા નરેશભાઇ ભાણાભાઈ રાઠોડ (ઉ.વ.34) મંગળવારે રાત્રે ભરુચ જિલ્લાનાં વાલિયા તાલુકાનાં ભરણ ગામે તેના મિત્રના પિતાની બારમાની વિધિમાં મોટર સાઇકલ પર જવા માટે નીકળ્યો હતો. તે સમયે લિંબાડા ગામની સીમમાં કોસંબા–માંગરોળ માર્ગ પર અજાણ્યા વાહનને તેમની મોટર સાઇકલને ટક્કર મારી હતી. આ અકસ્માતમાં ગંભીર ઇજા થતાં નરેશભાઈનું ઘટના સ્થળ પર જ મોત થયું હતું. પોલીસે અજાણ્યા વાહનો વિરુદ્ધ ગુનો નોંધી આગળની તપાસ હાથ ધરી હતી.