મહુવા પોલીસ સ્ટાફનાં માણસો પેટ્રોલીંગમાં હતા. તે દરમિયાન બાતમી મળી હતી કે, એક મહિન્દ્રા બોલેરો ગાડી નંબર GJ/19/Y/0469 મહુવા તાલુકાનાં ભોરિયાથી વલવાડા તરફ આવનાર છે. જેના આધારે વોચ ગોઠવી હતી. ત્યારે દારૂ ભરેલી પીકઅપ આવતા ઊભી રાખવા જણાવ્યા ચાલકે ગાડી ઊભી નહિ રાખતા થોડે દૂર ગાડી ઊભી રાખી ખેતરાડી વિસ્તારમાં ભાગી છૂટ્યો હતો. જોકે પોલીસે પીકઅપ ગાડીમાં ચેક કરતા ગાડીમાંથી વિદેશી દારૂની બોટલ નંબર 436 જેની કિંમત રૂપિયા 79,200/-નો મુદ્દામાલ જપ્ત કર્યો હતો. આમ, પોલીસે મહિન્દ્રા બોલેરો પીકઅપ કિંમત રૂપિયા 2 લાખ અને વિદેશી દારૂ મળી કુલ રૂપિયા 2,79,200/-નો મુદ્દામાલ કબ્જે કર્યો હતો જોકે ગાડીમાંથી સવિતાબેન દિનેશભાઈ ધોડિયા નામની આરસી બુક મળી આવેલ હતી. બનાવ અંગે પોલીસે ગુનો નોંધી આગળની કાર્યવાહી હાથ ધરી હતી.