કોસંબાનાં દાદરી ફળિયા વિસ્તારમાં રેડ કરી જાહેરમાં પત્તાપાના પર પૈસા વડે હારજીતનો જુગાર રમતા 5 જુગારીઓને ઝડપી પાડી કાર્યવાહી હાથ ધરી હતી. મળતી માહિતી અનુસાર, કોસંબા પોલીસ મથકનો સ્ટાફનાઓને ખાનગી રાહે બાતમી મળી હતી કે, કોસંબાનાં દાદરી ફળિયામાં અમુક લોકો જાહેરમાં પૈસા વડે હારજીતનો જુગાર રમી રહ્યાં છે.

જે બાતમીનાં આધારે પોલીસે રેડ કરી હતી અને સ્થળ પર જુગાર રમી રહેલા એઝાંઝ આલમ અબ્દુલ કાદર મુનસી, ઇબ્રાહિમ ઇસ્માઇલ શાહ, કમલેશ બાલુ સોલંકી, નાઝીમ ઇમામ શેખ અને ઇરફાન કાસમ શેખની અટકાયત કરવામાં આવી છે. આમ પોલીસે સ્થળ પરથી દાવ પરની રોકડ, અંગઝડતીની રોકડ, 3 નંગ મોબાઇલ અને 4 ગાડીઓ મળી કુ રૂપિયા 4,54,020/-નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.