સુરતનાં કામરેજ તાલુકાનાં કઠોદરા ગામે રહેતો યુવકે ખડસદ ગામની સીમમાં અન્ય બાઈક સાથે અકસ્માત સર્જાતા ટૂંકી સારવાર દરમિયાન મોત નીપજ્યું હતુ. મળતી માહીતી અનુસાર, મૂળ ભાવનગરનાં શિહોરનાં અને હાલ કામરેજ તાલુકાનાં કઠોદરા ગામે મારુતિ નંદન રો-હાઉસનાં મકાન નંબર-50માં રહેતા અતુલભાઈ ભુપતભાઇ કેવડિયા (ઉ.વ.35) નાઓ ગત તા.9 ફેબ્રુઆરીનાં રોજ પોતાની હોંડા સાઈન બાઈક લઈ કામરેજનાં ખડસદ ગામેથી સરથાણા જતાં રસ્તા પરથી પસાર થતાં હતા.

તે સમયે સામેથી અજાણી બાઈક ચાલક સાથે ટક્કર લાગતા ભુપતભાઇ રોડપર પટકાતા માથાના ભાગે તેમજ શરીરે ગંભીર ઇજાઓ થતા તેઓનું ટૂંકી સારવાર દરમ્યાન મોત નીપજ્યું હતુ. ઘટના અંગે મૃતકના નાનાભાઈ પારસભાઈએ કામરેજ પોલીસ મથકના અજાણ્યા બાઈક ચાલક વિરુદ્ધ ફરિયાદ આપી હતી.