સુરતથી ભુસાવલ જતી રેલવે લાઈન ઉપર ચલથાણ ગામે સવારે સાડા ચાર વાગ્યાનાં અરસામાં થાંભલા નંબર 12/15 પાસેથી પસાર થતી કોઈ ટ્રેનની અડફટે એક અજાણ્યો ઇસમ આવી જતા તેને શરીરે ગંભીર ઇજાઓ પહોંચતા તેનું ઘટના સ્થળે મોત નિપજ્યું હતું. આ અકસ્માતમાં મૃત્યુ પામેલ એક અજાણ્યા યુવાન જેની ઉંમર આશરે 30 થી 35 વર્ષ રંગે ઘઉં વર્ણ શરીરે મધ્યમ બાંધાનો જેને જાંબલી રંગનો ચેક્સ વાળો શર્ટ અને ભૂરા રંગનું પેન્ટ પહેરેલ છે તેવી ફરિયાદ ચલથાણ સ્ટેશન માસ્ટર વિજય પન્નાલાલ વર્માએ કડોદરા જીઆઈડીસી પોલીસ મથકે આપતા આગળની તપાસ હાથ ધરી હતી.