પીપોદરા ગામની સીમમાં રાધે સિલ્વર ઇન્ડસ્ટ્રીઝ તરફ જવાનાં રસ્તા પર 21 વર્ષીય પરપ્રાંતિય કામદારે ઝાડ સાથે દોરી વડે ગળે ફાંસો ખાઈ આત્મહત્યા કરી લેતા ચકચાર મચી ગઈ હતી. સુત્રો પાસેથી મળતી માહિતી મુજબ, સુરજ શુવબાલક નિષાદ (ઉ.વ.21., હાલ રહે.જય અંબે ટેક્ષ્ટાઇલ પીપોદરા તા.માંગરોળ, મુળ રહે.બસીનપુર, જિ.ફતેહપુર, યુ.પી) મજૂરી કામ કરતો હતો. ત્યારે સુરજે પીપોદરા ગામની સીમમાં રાધે સિલ્વર ઈન્ડસ્ટ્રીઝ તરફ જવાનાં રસ્તાની બાજુમાં આવેલા ઝાડ સાથે દોરી વડે ફાંસો ખાઈ આપઘાત કર્યો હતો. બનાવ અંગેની જાણ સ્થાનિકોને થતાં તેમણે કોસંબા પોલીસને જાણ કરી હતી. પોલીસે યુવકે કયા અને કેવા સંજોગોમાં આપઘાત કર્યો તે દિશામાં તપાસ હાથ ધરી હતી.