માંડવી તાલુકાનાં મધરકુઈ ગામે દુકાન ફળિયામાં રહેતી મહિલાએ ઝેરી દવા પી જીવન ટુંકાવ્યું હતું. પોલીસ સુત્રો પાસેથી મળેલી માહિતી અનુસાર, મધરકુઇ ગામનાં દુકાન ફળિયામાં રહેતા હંસાબેન ગુરશિંગમાઈ ગામીત નાંઓ રાત્રે પોતાના ઘરમાં અગમ્ય કારણસર ઝેરી દવા પી લીધી હતી તેણીને પ્રથમ સારવાર  અરેઠ સરકારી દવાખાને લાવ્યા બાદ વધુ સારવાર માટે બારડોલીની સરદાર હોસ્પિટલમાં દાખલ કરવામાં આવી હતી. જયારે તેમનું તારીખ 19/06/2024નાં રોજ મોત નિપજ્યું હતું. બનાવ અંગે માંડવી પોલીસે ગુનો નોંધી આગળની તપાસ હાથ ધરી હતી.