કડોદરા પોલીસ સ્ટાફનાં માણસોને ખાનગી રાહે બાતમી મળી હતી કે, કામરેજ પોલીસ મથકનાં  નોંધાયેલા ગણનાપાત્ર કેસમાં નાસતો ફરતો આરોપી સત્યનારાયણ ઉર્ફે મનીષ મારવાડી (રહે.બગુમરા ગામ, સૂર્યાનશીં રેસિડેન્સી, ફ્લેટ નંબર-406, મૂળ આઝાદ નગર જિ.ભીલવાળા, રાજસ્થાન) સફેદ રંગની સ્વિફ્ટ ગાડી લઈ કડોદરા ચાર રસ્તા પરથી પસાર થનાર છે. જે બાતમી આધારે પોલીસની એક ટીમે કડોદરા ચામુંડા હોટલની બહારથી રસ્તા પરથી આરોપીને ઝડપી લીધો હતો. આરોપી અગાઉ કડોદરા, કામરેજ, બારડોલી, પલસાણા તેમજ ઓલપાડ પોલીસ સ્ટેશન મળી વિદેશી દારૂના 9 ગુનામાં પકડાઇ ચુક્યો હોવાની હકીકત બહાર આવી હતી.