પીપોદરા ખાતે મકાનની છત પર સીડી લઈને જઈ રહેલા ૧૭ વર્ષીય યુવકને કરંટ લાગતાં મોત થયું હતું. સુત્રો પાસેથી મળતી માહિતી મુજબ, વિકાસ સુખાભાઈ ડામોર (ઉ.વ.17.,રહે.પાલોદ ગામ,તા. માંગરોળ, જિ.surat) પીપોદરા ગામની સીમમાં રાધે સિલ્વર ઇન્ડસ્ટ્રિયલમાં આવેલી ગોપી ઇન્ડસ્ટ્રિયલના નવા મકાનનાં છત પર સીડી લઈને ચઢી રહ્યો હતો. તે દરમિયાન વરસાદમાં ભીની થઈ ગયેલી લાકડાની સીડી ત્યાંથી પસાર થતા ચાલુ વીજતારને અડી જતા યુવકને કરંટ લાગ્યો હતો. જેથી વિકાસને સારવાર અર્થે નજીકની હોસ્પિટલ ખાતે ખસેડવામાં આવ્યો હતો. જ્યાં ફરજ પરના ડોક્ટરોએ વિકાસને મૃત ઘોષિત કર્યો હતો. ઘટના અંગે કોસંબા પોલીસે અકસ્માત મોતનો ગુનો નોંધી આગળની તપાસ હાથ ધરી હતી.