સુરત જિલ્લાનાં પીપોદરા માઝદા ગલીની સામેથી પસાર થતા નેશનલ હાઈવે નંબર-48 રસ્તા પરથી  40થી 45 વર્ષનો આધેડ ક્રોસ કરી રહ્યો હતો. તે સમયે અજાણ્યા વાહન ચાલક અડફેટમાં લઈ ફરાર થઇ ગયો હતો. જયારે આઘેડને માથાનાં તેમજ શરીરનાં વિવિધ ભાગે ગંભીર ઇજાઓ પહોંચતા જેનું ઘટના સ્થળે મોત નિપજ્યું હતું. આ ઘટનાની જાણ થતાં કોસંબા પોલીસ બનાવ સ્થળે દોડી જઈ કસુરવાર અજાણ્યા વાહન ચાલક વિરૂદ્ધ ગુનો નોંધી આગળની તપાસ હાથ ધરી હતી.