સુરતનાં માંડવી તાલુકાનાં ભડવાડ ફળિયામાં રહેતા જસમીભાઈ સેરકાભાઈ ચૌધરી (ઉ.વ.49) નાઓ ગત તા.18 જાન્યુઆરીનાં રોજ ઇસરગામે ઇસર ડેમની પાછળ આવેલા પુના ડુગરા નજીક આવેલા પોતામાં ખેતરમાં ઉમરદાના ઝાડ પર ચઢી લાકડાં કાપી રહ્યા હતા. તે દરમિયાન લાકડાં કાપતી વખતે એકાએક પગ લપસી જતા તેઓ નીચે પટકાતા માથાનાં ભાગે તેમજ પેટનાં ભાગે ગંભીર ઇજાઓ થતાં ઘટના સ્થળે જ મોત નીપજ્યું હતુ. ઘટના અંગે માંડવી પોલીસે ગુનો નોંધી વધુ તપાસ હાથ ધરી હતી.