કોસંબા રેલવે સ્ટેશન પર ટ્રેન અડફેટે દીપડાનાં બચ્ચાનું મોત થયું હતું. દક્ષિણ ગુજરાત સહિત સુરત જિલ્લામાં માંગરોળ, ઉમરપાડા, કામરેજ તાલુકાનાં જંગલ વિસ્તારમાં મોટી સંખ્યામાં દીપડા વસવાટ કરે છે. તેઓ અવર નવર શિકારની શોધમાં માનવ વસ્તી તરફ ધસી આવી પાલતુ પ્રાણીઓનું ભક્ષણ કરે છે. થોડા જ મહિનાઓમાં રાત્રે કામરેજ હાઈવે પરથી રસ્તો ક્રોસ કરતી વખતે અજાણ્યો વાહન અડફેટે અનેક દીપડાના મોત થયા. આજે શિકારની શોધમાં ફરતું કોસંબા રેલવે સ્ટેશન પાસે પાટા ઓળંગવા જતા દીપડાનું બચ્ચું ટ્રેનની અડફેટે આવી જતાં ગંભીર ઈજા થતાં મોતને ભેટયું હતું. વાંકલ વન વિભાગના કર્મચારીઓએ મૃત દીપડાનાં બચ્ચાનો કબ્જો લઈ આગળની કાર્યાવાહી હાથ ધરી હતી.