માંડવીના ખત્રીવાડમાં ન્યુઝ પેપર સ્ટોલ પરથી સ્ટોલ સંચાલક ચલણી નોટો ગણી રહ્યા હતા. તે સમયે એક અજાણી મહિલા મોપેડ પર આવી હતી અને સ્ટોલ પરથી રૂપિયા 8,750/-ની ચોરી કરી છુટી હતી. બનાવ અંગે સ્ટોલ સંચાલકે માંડવી પોલીસમાં ફરિયાદ નોંધાવી હતી. સુત્રો પાસેથી મળતી માહિતી મુજબ, માંડવીમાં ન્યુઝ પેપર એજન્ટ હરીનભાઈ બાલકુષ્ણ શુકલ માંડવીનાં નવાપરા વિસ્તારમાં તેમનો ન્યુઝ પેપરનો સ્ટોલ ધરાવે છે.

જોકે ગતરોજ 2થી 2.30 વાગ્યાનાં અરસામાં તેઓ તેમના ધંધાના રૂપિયા ગણી રહ્યા હતા. તે સમયે એક મહિલા મોપેડ પર આવી હતી અને તેમની પાસે પેપર પસ્તી તેમજ આજના પેપર માગ્યા હતા હરીનભાઈ પેપર લેવા પાછળ વળતા જ મહિલા સ્ટોલનાં કાઉન્ટરમાંથી રૂપિયા 8,750/- કાઢીને મોપેડ પર રફુચક્કર થઈ ગઈ હતી. બનાવ અંગે હરીનભાઈએ માંડવી પોલીસને લેખિત અરજી આપતા માંડવી પી.આઈ.એ ગુનો નોંધી આગળની તપાસ હાથ ધરી હતી.