કોસંબા હાઈવે પર બેકાબુ બનેલી કાર હાઇવાની પાછળ ધડાકાભેર કાર અથડાતા ઉધનાનાં આઘેડનું ગંભીર ઈજા થવાથી મોત નિપજ્યું હતું. સુત્રો પાસેથી મળતી માહિતી મુજબ, હેમંતભાઈ કંચનલાલ જરીવાલા (ઉ.વ.66., રહે.ઉધના, સુરત) પોતાની વેગેનાર કાર નંબર GJ/05/AR/7729 લઈ કોસંબા નેશનલ હાઈવે નંબર-48 પરથી પસાર થઇ રહ્યા હતા. તે દરમ્યાન હેમંતભાઈએ સ્ટેરીંગ ઉપરનો કાબુ ગુમાવી દેતા કાર હાઈવેની સાઈડે ઉભેલા હાઇવા ડમ્પર નંબર DD/01/L/9395ની પાછળ ધડાકાભેર અથડાઈ હતી. આ અકસ્માતની ઘટનામાં કાર ચાલક હેમંતભાઈને ગંભીર ઇજાઓ પહોંચતા ઘટના સ્થળે મોત નિપજ્યું હતું. ઘટના અંગેની જાણ થતાં કોસંબા પોલીસે અકસ્માતનો ગુનો નોંધી આગળની તપાસ હાથ ધરી હતી.