પલસાણા તાલુકાનાં બલેશ્વર ગામની હદમાં આવેલ વિષ્ણુ પ્રિયા મિલમાં એક બનાવ સામે આવ્યો હતો જેમાં શનિવારનાં રોજ સાંજના સમયે મિલમાં ફરજ પર હાજર ત્રિવેણી બુદ્ધિમંત મહતોં (ઉ.વ.35) મિલમાં બીજા માળે કામ કરી રહ્યા હતા. ત્યારે મિલનાં બીજા માળેથી નીચે પટકાયા હતા જે દરમિયાન તેમને માથાનાં ભાગે ગંભીર ઇજાઓ થતાં સુરતની ખાનગી હોસ્પિટલમાં સારવાર હેઠળ ખસેડવામાં આવ્યા હતા. જે દરમિયાન તેઓનું મોત નીપજ્યું હતુ. ઘટના અંગે પલસાણા પોલીસે ગુનો નોંધી વધુ તપાસ હાથ ધરી હતી.