મૂળ બિહારનાં ગોપાલગંજ જિલ્લાનાં અને હાલ સુરત જિલ્લાના ઓલપાડ તાલુકાનાં કીમ ગામે શિવ સાંઈ રેસિડેન્સીનાં મકાન નંબર-104માં રહેતા બજરંગબલી કિશુનદેવ તિવારી (ઉ.વ.38)નાઓ પત્ની નિશીદેવી સાથે રહી શાકભાજી વેચવાનો ધંધો કરે છે છેલ્લા થોડા દિવસથી વ્યવસાયમાં મંદી આવતા પતિ બજરંગબલી પત્નીને છોડી ચાલ્યા ગયા હતા. જે વાતનું ખોટું લાગી આવતા પત્ની નિશીદેવીએ બુધવારનાં રોજ ઘરમાં ફાંસો ખાઈ જીવન ટૂંકાવ્યું હતુ. બનાવ અંગે કીમ પોલીસ મથકમાં અકસ્માત મોતનો ગુનો નોંધી વધુ તપાસ હાથ ધરી હતી.