કડોદરા પોલીસ સ્ટાફનાં માણસોને ખાનગી રાહે મળેલ બાતમીનાં આધારે ચલથાણ પ્રાથમિક શાળા નજીકથી શંકાસ્પદ હાલતમાં સપલેન્ડર મોટરસાઇકલ નંબર GJ/05/AN/7318 સાથે બબ્લુ ગુલાબ શીંધે (ઉ.વ.28, હાલ રહે.ચલથાણ પંચાયતની બાજુમાં, જલારામ નગર, મૂળ જી.અહમદનગર મહારાષ્ટ્ર) નાને ઝડપી તપાસ કરતા ચાર વર્ષ અગાઉ 2018નાં વર્ષમાં અન્ય આરોપી સાથે મળી મોટરસાઇકલની ચોરી કરી હોવાનું કબુલ્યુ હતું. જોકે પોલીસે કબ્જે કરેલી મોટરસાઇકલ અંગે તપાસ કરતા તે પણ અન્ય કોઈ વ્યક્તિ પાસે છળકપટથી મેળવી હોવાનું જાણવા મળ્યું હતું. આમ, પોલીસે 20 હજારની કિંમતની મોટરસાઇકલ કબ્જે કરી વધુ તપાસ હાથ ધરી હતી.