સાઉથનો જાણીતો અને લોકપ્રિય દિગ્દર્શક એટલી પોતાના આગામી પ્રોજેક્ટ માટે અલ્લુ અર્જુન સાથે પ્રિયંકા ચોપરાને હિરોઈન તરીકે કાસ્ટ કરવા પ્રયાસ કરી રહ્યો છે. તે અને પ્રિયંકા ચોપરા આ બાબતે વાતચીત કરી રહ્યાં છે. જોકે હજુ પ્રિયંકાએ આખરી સંમતિ આપી નથી. જો સમૂસુથરું પાર પડશે તો એટલીના  આગામી પ્રોજેક્ટ 'એ૬'માં અલ્લુ અર્જૂન અને પ્રિયંકા ચોપરાની જોડી જોવા મળશે.આ ફિલ્મની ઘોષણા એટલીના તા.8મી એપ્રિલે આવનારા બર્થડેએ કરવામાં આવે  તેવી અટકળો છે. આ ફિલ્મમાં ભારતના ગ્રામ્ય વિસ્તારનાં રાજકારણની વાત હશે એમ કહેવાય છે. અલ્લુ અર્જૂન  ફિલ્મમાં ભરપૂર એક્શન કરતો જોવા મળશે એમ કહેવાય છે. જોકે, એટલીએ ફિલ્મની વિગતો હાલ બહુ પ્રગટ કરી નથી.