પલસાણાનાં સોયાણી ગામેથી પોલીસે દારૂના મુદ્દામાલ સાથે બે ઈસમોને ઝડપી એકને વોન્ટેડ જાહેર કરવામાં આવ્યો હતો. મળતી માહિતી મુજબ, બુધવારનાં રોજ પલસાણા પોલીસ મથકનો સ્ટાફ પેટ્રોલીંગમાં હતો. તે દરમિયાન અંગત રાહે બાતમી મળી હતી કે, સોયાણી ગામે આવેલા ત્રીસ ગાળા ફળિયામાં એક કાર વિપુલ માત્રામાં દારૂ ભરીને આવી છે અને સગેવગે કરવાની પેરવીમાં છે.

જે બાતમીનાં આધારે પોલીસની ટીમ સોયાની ગામે પહોંચી ત્યાં ઊભેલી એક મારૂતિ સિયાઝ કાર નંબર GJ/05/RA/5474માં તપાસ કરતા કારમાંથી જુદી-જુદી બ્રાંડની વિદેશી દારૂની કુલ 229 બોટલો જેની કિંમત રૂપિયા 97,400/- તમેજ મોબાઈલ અને કાર મળી કુલ રૂપિયા 6,03,400/-નો મુદ્દામાલ જપ્ત કરી સુનીલ ધીરુભાઈ રાઠોડ અને પ્રવીણ પ્રદીપભાઈ રાઠોડ (બંને રહે.સોયાણી ગામ, ત્રીસ ગાળા ફળિયા)નાને ઝડપી પાડી દારૂ ભરાવનાર નરેશ ટંડેલ (રહે.સેલવાસ) નાને વોન્ટેડ જાહેર કરી આગળની તપાસ હાથ ધરી હતી.