બારડોલી રૂરલ પોલીસ નાઓ સાંજના ચાર વાગ્યેના સુમારે બારડોલી રૂરલ પોલીસ સ્ટેશનમાં હાજર હતા તે દરમિયાન એક સગીરાની માતાએ બારડોલી રૂરલ પોલીસ સ્ટેશનમાં આવી જણાવેલ કે, મારી દિકરીને બળદેવભાઇ ઉર્ફે રાહુલ રણજીતભાઇ રાઠોડ નામનો યુવક લગ્નની લાલચ આપી લલચાવી ફોસલાવી અને અપહરણ કરી તેના ઘરે લઈ ગયો હતો.

તેમજ અવાર-નવાર તેમની મરજી વિરૂધ્ધ શરીર સંબંધ બાંધી ગર્ભવતી બનાવી હતી સગીરાને હાલ પાંચ મહીનાની ગર્ભવતી બનાવી નાસી ગયો છે. જે ફરીયાદનાં આધારે પોલીસે યુવક વિરુદ્ધ પોસ્કો એકટ હેઠળ ગુનો નોંધી આરોપીને પકડવા માટે પોલીસ માણસોની અલગ અલગ ટીમો બનાવી આરોપીને ગણતરીના કલાકોમાં પકડી પાડી બારડોલી રૂરલ પોલીસ સ્ટેશન ખાતે લાવી કાયદેસરની કાર્યવાહી કરવામાં આવેલ હતી.