સુરત શહેરનાં લિંબાયત પોલીસ સ્ટેશનમાં નોંધાયેલા રીક્ષા ચોરીનાં ગુનાનાં વોન્ટેડ આરોપીને કોસંબા પોલીસે ઝડપી પાડ્યો હતો. છેલ્લા 11 મહિનાથી વોન્ટેડ રીઢા આરોપીને સુજીત હોટેલ નજીકથી ઝડપી પાડી વધુ કાયદેસરની કાર્યવાહી હાથ ધરી હતી. મળતી માહિતી અનુસાર, સુરત જિલ્લાનાં કોસંબા પોલીસ મથકના PI અને સ્ટાફને ખાનગી રાખે ચોક્કસ બાતમી મળી હતી કે, સુરત શહેરનાં લીંબાયત પોલીસ મથકમાં રીક્ષા ચોરીનાં ગુનામાં છેલ્લા 11 મહિનાથી નાસતો ફરતો વોન્ટેડ આરોપી માંગરોળ તાલુકાનાં માલાકાવાડ તલસાડી ખાતે રહેતો જાકિર ઇશમાઇલ મિર્ઝા છે.

જે નેશનલ હાઈવે નંબર-48 ઉપર આવેલા સુરજીત હોટેલ પર આવવાનો છે અને તેણે શરીરે ભૂરા કલરની આખી બાયનો ચેક્સવાળો શર્ટ તથા કાળા કલરનું પેન્ટ પહેરેલું છે. તેવી ચોક્કસ બાતમીનાં આધારે કોસંબા પોલીસે વોચ રાખી વોન્ટેડ આરોપી જાકિર ઇશમાઇલ મિર્ઝાને ઝડપી પાડ્યો હતો અને વધુ કાયદેસરની કાર્યવાહી હાથ ધરી હતી. જયારે લીંબાયત પોલીસને આરોપીનો કબ્જો સોંપવામાં આવ્યો છે.