સુરતનાં કામરેજનાં વાવ ગામે સગા પુત્રએ મિલકત માટે પિતા પર પાવડાનાં હાથા વડે હુમલો કરતા પિતાએ કામરેજ પોલીસ મથકમાં ફરિયાદ આપી હતી. સુત્રો પાસેથી મળતી માહિતી અનુસાર, કામરેજમાં વાવ ગામે પટેલ ફળિયામાં રહેતા સુરેશચંદ્ર જયંતીલાલ પટેલ હાલ નિવૃત જીવન ગાળે છે અને તેમને સંતાનમાં બે સંતાનો છે જેમાં દિવ્યેશ જે સુરત ખાતે રહે છે.

જયારે બીજો ચિરાગભાઈ જે વાવ ગામે જ રહે છે આમ, બંને પુત્ર પોતામાં પરિવાર સાથે રહે છે. જ્યારે દિવ્યેશ વ્યસની હોવાથી તે બે બાળકો સાથે પોતાના પિયર જતી રહી હતી તેમજ દિવ્યેશ અને તેના પિતા સુરેશચંદ્રભાઈ સાથે છેલ્લા કેટલાક સમયથી મિલકત બાબતે તકરાર ચાલતી હતી.

જેથી શનિવારનાં રોજ સુરેશચંદ્ર પોતાના ઘરે હાજર હતા તે સમયે દિવ્યેશ તેના ઘરે આવ્યો અને પિતા પાસે મિલ્કતનો ભાગ માંગી ઝગડો કરી પિતાને ઠીકામુકકાનો માર માર્યો હતો અને ઉશ્કેરાટમાં આવીને પાવડાનાં હાથા વડે પિતાના હાથના પંજામાં માર્યો હતો અને જાનથી મારી નાખવાની ધમકી આપી હતી. બનાવ અંગે સુરેશચંદ્રભાઈ નાએ પોતાનાં પુત્ર દિવ્યેશ વિરુદ્ધ કામરેજ પોલીસ મથકમાં ફરિયાદ આપી હતી.