ઓલપાડ તાલુકાનાં માઘર ગામની સીમમાં આવેલ એક ફેક્ટરીનાં રૂમમાં એક ઉત્તરપ્રદેશ વાસી પરણિતાએ ફાંસો ખાઈ આત્મહત્યા કરતા ચકચાર મચી જવા પામી હતી. જોકે આ શંકાસ્પદ મોત મામલે ઓલપાડ પોલીસે વધુ તપાસ હાથ ધરી હતી. જાણવા મળેલ વિગત મુજબ, રાજકુમાર ખ્યાલીરામ કુશવાહ અને તેની પત્ની સાધના (ઉ.વ.23) મુળ ઉત્તરપ્રદેશ રાજ્યનાં હાથરસ જિલ્લાનાં વતની છે. જયારે આ દંપતિ હાલમાં સિવાણ-ભારૂંડી રોડ ઉપર માધર ગામની સીમમાં પ્લોટ નં-45 થી 48માં આવેલ મુજાણી ફેબટેક્ષ પ્રા.લી.ફેકટરીના રૂમમાં રહી મજૂરી કામ કરતા હતા.

જયારે પતિએ પોલીસને બનાવ અંગે જાણ કર્યા મુજબ, બંન્ને પતિ-પત્ની વચ્ચે શાકભાજી સમારવા બાબતે સામાન્ય બોલાચાલી થઈ હતી જેથી સાધનાને માઠું લાગી આવતા તેણે મારી સાથે બોલવાનું બંધ કરી અબોલા લીધા હતા અને તેને દુ:ખ લાગતા તેણે ગત તા.12 નારોજ જયારે સાધના કુશવાહ રૂમમાં એકલી જ હતી સમયે સવારે 8થી સાંજે-6 કલાકના હરકોઈ સમયે તેણીએ ફેકટરીના રૂમમાં બારીના સળીયા સાથે દુપટ્ટો બાંધી ગળે ફાંસો ખાઈ આત્મહત્યા કરી લીધી હતી. જયારે મૃતકના પતિ રાજકુમાર ખ્યાલીરામ કુશવાહાએ સાયણ પોલીસને જાણ કરી હતી, જેના પગલે પોલીસે મૃતક મહિલાની લાશનો કબજો લઈ પીએમ કરાવી હાલ અકસ્માત મોતનો ગુનો નોંધી વધુ તપાસ હાથ ધરવામાં આવી હતી..