કોસંબા પોલીસ સ્ટેશન વિસ્તારમાં નાસતા ફરતા આરોપીઓને પકડી પાડવા બાબતે પેટ્રોલીંગમા હતા. તે દરમિયાન કોસંબા પોલીસ સ્ટાફ નાઓને સંયુક્ત રીતે ખાનગી રાહે ચોક્કસ બાતમી હકિકત મળેલ કે, પલસાણા પોલીસ સ્ટેશન ખાતે નાસતો ફરતો આરોપી ચન્દ્રબલીસિહ ક્રિષ્ણબહાદુરસિંહ રાજપૂત  (રહે.શ્યામ કોમ્પ્લેક્ષ, અમરોલી ચાર રસ્તા, સુરત) નાઓ ગતરોજ કોસંબા પોલીસ સ્ટેશનની હદમાં નેશનલ હાઈવે-48 ઉપર આવેલ હોટલ રોઝ ગાર્ડન ઉપર આવનાર છે.

જે બાતમીનાં આધારે વોચ રાખી આરોપીને પકડી પાડીને પલસાણા પોલીસને સોંપવાની તજવીજ હાથ ધરી હતી જોકે આરોપીનો ગુનાહિત ઇતિહાસ તપાસતા વર્ષ-2014માં સુરત શહેરનાં કોપાદ્રા વર્ષ-2017માં નવસારી ટાઉન અને વર્ષ-2021માં પલસાણા ખાતે વિદેશી દારૂના ગુનામાં પકડાઈ ચુક્યો હોવાનું જાણવા મળ્યું હતુ.