બારડોલી–કડોદ રોડ પર આવેલ પણદા ગામ જાણે અકસ્માત વિસ્તાર બની ગયો હોય તેમ અકસ્માતની વણઝાર જોવા મળી રહી છે. જોકે રસ્તો પહોળો કરી ડિવાઇડર મૂકવા છતાં આ ગામની સીમમાં અકસ્માત અટકવાનું નામ જ નથી લેતા. જયારે તાજેતરમાં જ એક સિમેન્ટ ભરેલી ટ્રક રોડ પર પલટી મારતા ચાર વ્યક્તિઓને ઇજા પહોંચી હતી. ત્યાં હવે વધુ એક ટેમ્પો પલટી મારી જતાં રોડ પર અફરાતફરી મચી ગઈ હતી. જોકે સોમવારે વહેલી સવારે 5.30 વાગ્યાની આસપાસ બાઈક ચાલક શેરડીના ખાલી બળદ ગાડા સાથે ટકરાઈને રોડ પર પડતાં બાઈક ચાલકને બચાવવા જતાં ભરેલો ટેમ્પો પલટી મારી ગયો હતો. જોકે નસીબજોગ આ અકસ્માતમાં બાઈક ચાલકને સામાન્ય ઇજા થઇ હતી.