સુરતનાં માંગરોળ તાલુકાનાં ધામદોડ ગામની હદમાં નેશનલ હાઈવે પર અજાણ્યા આઇસર ટેમ્પાનાં ચાલકે મોટરસાઈકલનાં ચાલકે અડફેટે લેતાં યુવકનું ઘટના સ્થળે મોત નીપજ્યું હતું. મળતી માહિતી અનુસાર, ભરૂચ જિલ્લા હાંસોટ તાલુકાનાં કાંટાસાયણ ગામે રહેતા મહમદ વારીસ અમીરભાઈ સિંધા જેઓ મોટરસાઇકલ નંબર GJ/16/BA/6074 લઈ ગત મંગળવારનાં રોજ નેશનલ હાઈવે નંબર-48 માંગરોળથી ભરૂચ પોતાના ઘરે પરત ફરી રહ્યા હતા.

તે સમયે માંગરોળનાં ધામદોડ ગામની હદમાં નેશનલ હાઈવે નંબર-48 પર અજાણ્યા આઇસર ટેમ્પાનાં ચાલકે અડફેટે લેતા યુવકનું ઘટના સ્થળે મોત નીપજ્યું હતુ. બનાવ અંગે મૃતકમાં મોટાભાઈ નાએ માંગરોળ પોલીસ મથકમાં અજાણ્યા આઇસર ટેમ્પા ચાલક વિરુદ્ધ ફરિયાદ આપી હતી.