સુરતનાં વરાછા વિસ્તારમાં બે સ્થળે ગેલેરીમાં અને ઉધનામાં સ્ટ્રીટ લાઈટનાં અજવાળામાં જુગાર રમતા 16 જુગારીઓને પોલીસે ઝડપી પાડી રોકડા રૂપિયા 73,770/- અને 4 મોબાઈલ ફોન મળી કુલ રૂપિયા 1.05 લાખનો મુદ્દામાલ કબ્જે કર્યા હતા. સુત્રો પાસેથી મળતી માહિતી અનુસાર, પોલીસ સ્ટાફનાં માણસોને મળેલી બાતમીનાં આધારે વરાછા પોલીસે શનિવારે મધરાતે ભગીરથ સોસાયટી ઘર નં.9 ત્રીજા માળે રૂમ નં.202ની બહાર ગેલેરીમાં જુગાર રમતા સાત જુગારીઓને ઝડપી પાડી તેમની પાસેથી રોકડા રૂપિયા 12,070 કબ્જે કર્યા હતા.

જયારે સાંજે લંબે હનુમાન રોડ ઘનશ્યામનગર શેરી નં.19 મકાન નં.245ના ત્રીજા માળે ગેલેરીમાં જુગાર રમતા ચાર જુગારીઓને ઝડપી પાડી રોકડા રૂપિયા 45,550/- અને 4 મોબાઈલ ફોન મળી કુલ સુપિયા 76,550/-નો મુદ્દામાલ કબજે કર્યો હતો. વધુમાં ઉધના પોલીસે રાત્રે રોડ નં.4 લોખંડવાલા સ્ટીલ ટ્રેડર્સ ખુલ્લા કંપાઉન્ડમાં સ્ટ્રીટ લાઈટના અજવાળામાં જુગાર રમતા પાંચ જુગારીઓને ઝડપી પાડી રોકડા રૂપિયા 16,200/- કબજે કર્યા હતા. આમ, બનાવ અંગે પોલીસે ગુનો નોંધી તમામ વિરુદ્ધ કાયદેસરની કાર્યવાહી હાથ ધરી હતી.