મહુવાનાં તકરાણી ગામે ટ્રક ચાલકે મોટરસાયકલ ચાલકને અડફતે લેતા મોટરસાયકલ ચાલકનું ઘટના સ્થળે મોત નીપજ્યું હતુ. મળતી માહિતી અનુસાર, સુરત જિલ્લાનાં મહુવા તાલુકાનાં વહેવલ ગામે રહેતા રમેશભાઈ છગનભાઈ પટેલ (ઉ.વ.52) નાઓ સોમવારનાં રોજ બપોરના સમયે પોતાની મોટરસાઇકલ નંબર GJ/21/E/6794 લઈ અનાવલ-મહુવા રોડ પરથી પસાર થઈ રહ્યા હતા. તે દરમિયાન સામેથી આવતી ટ્રક નંબર GJ/05/V/1499નાં ચાલકે મોટરસાયકલ ચાલકને અડફતે લેતા મોટરસાયકલ ચાલક રમેશભાઈ પટેલ ટ્રકનાં ટાયર નીચે કચડાઈ જવાથીનું કમકમાટી ભર્યું મોત નીપજ્યું હતું. ઘટના અંગે મૃતકનાં મોટા ભાઈ મંગુભાઇએ મહુવા પોલીસ મથકના ટ્રક ચાલક વિરુદ્ધ ફરિયાદ આપી હતી.