ઉંભેળ ગામે એપાર્ટમેન્ટમાં રહેતો યુવક મોપેડ લઈ હાઇવે પરથી કડોદરા તરફ આવી રહ્યો હતો તે સમયે આઇસર ટેમ્પો અડફેટે આવી જતા આઇસરનાં આગળનાં ટાયરમાં ફસાઈ જતાં યુવકનું મોત નીપજ્યું હતુ. સુત્રો પાસેથી મળતી માહિતી અનુસાર, આયુષસિંહ રમેશસિંહ (ઉ.વ.31, રહે.204 શિવ રેસિડેન્સી, ઉંભેળ ગામ, કામરેજ) નાઓ રવિવારે સવારે પોતાની મોપેડ નંબર GJ/19/BB/5950 લઈ પોતામાં ઘરેથી નીકળી કડોદરા તરફ બેફામ રીતે આવી રહ્યો હતો.

તે દરમિયાન ઉંભેળ નેશનલ હાઈવે નંબર-48 પર ગુરુદ્ધરાની સામેથી પસાર થતા આઇસર ટેમ્પો નંબર GJ/05/YY/6867માં સામેની તરફ અથડાવી દેતા મોપેડ બાઈક આઇસર નીચે કચડાઈ જતા મોપેડ ચાલકનું ઘટના સ્થળે જ મોત નીપજ્યું હતુ. બનાવ અંગે મોપેડ ચાલક વિરુદ્ધ કામરેજ પોલીસે ગુનો નોંધી વધુ તપાસ હાથ  ધરી હતી.