સુરતનાં ઓલપાડ તાલુકાનાં સાયણ ગામે નીલમ નગરમાં આવેલ સિધ્ધેશ્વર કોમ્પલેક્ષના મકાન 105માં રહેતા કૈલાશપતી ભરતભાઇ રાય (ઉ.વ.43)નાઓ ગત તા.28 ફેબ્રુઆરીનાં રોજ મોડી સાંજે 6 વાગ્યા અરસામાં સુરતથી કડોદરા તરફના રોડ પરથી પોતાની મોટરસાયકલ નંબર GJ/19/AK/4128 પર પસાર થઈ રહ્યા હતા. તે દરમિયાન બીદલ મિલની સામે હાઇવે પર અજાણ્યા વાહને મોટરસાઈકલને પાછળના ભાગેથી ટક્કર મારી અકસ્માત સર્જતાં કૈલાશપતિ રાયને માથાના ભાગે ગંભીર ઇજા પહોંચી હતી.

જોકે વાહન ચાલક અકસ્માત સર્જી ભાગી છૂટ્યો હતો જ્યારે ઇજાગ્રસ્તને 108 મારફતે સુરત શહેરની હોસ્પિટલમાં ખસેડવામાં આવી રહ્યા હતા જે દરમિયાન એમ્બ્યુલન્સમાં જ સારવાર દરમિયાન કૈલાશપતિનું મોત નીપજ્યું હતુ. ઘટના અંગે મૃતકના ભાઈએ કડોદરા પોલીસ મથકમાં અજાણ્યા વાહન ચાલક વિરુદ્ધમાં પોલીસ ફરિયાદ આપી હતી.