કામરેજનાં ઉંભેળ ગામે હોટલનાં પાર્કિંગમાં ઉભેલ ટેમ્પામાંથી વિપુલ પ્રમાણમાં વિદેશી દારૂ ઝડપી પાડ્યો હતો અને પોલીસે ટેમ્પો ચાલકને વોન્ટેડ જાહેર કરી કાર્યવાહી હાથ ધરી હતી. મળતી માહિતી અનુસાર, સુરત જિલ્લા LCB પોલીસની ટીમ પોલીસ મથકે હાજર હતા. જે દરમિયાન મળેલ બાતમીનાં આધારે કામરેજ તાલુકાના ઉંભેળ ગામની હદમાં આવેલ ખેતેશ્વર હોટલની પાર્કિંગમાં બિનવારસી હાલતમાં ઉભેલ ટાટા ઇન્ટ્રા નંબર MH/48/CB/5095માં ચેક કરતા ટેમ્પા માંથી વિવિધ બ્રાન્ડની 2376 નંગ બોટલો મળી આવી હતી. આમ પોલીસે ટાટા બિનવારસી ટેમ્પોની કિંમત 3 લાખ તેમજ 2.04 લાખની કિંમતી દારૂ મળી કુલ 5.04 લાખનો મુદ્દામાલ કબ્જે કરી ટેમ્પા ચાલકને વોન્ટેડ જાહેર કર્યો હતો.