માંગરોળ તાલુકાનાં કોસાડી ગામનો આધેડ મોટરસાઇકલ પર વેચવા લઈ જતો 20 કિલો ગૌમાંસ સાથે ઝડપાઇ ગયો હતો. સુત્રો પાસેથી મળતી માહિતી અનુસાર, માંગરોળ પોલીસને અંગત રાહે મળેલી બાતમીનાં આધારે માંગરોળનાં કોસાડી ગામનાં ખાડી ફળિયામાં રહેતા સુલેમાન ઉર્ફે સૂર્યા ઈસ્માઈલ મમજી (ઉ.વ.69) નાને પોલીસે વહેલી સવારે મોસાલી કનવાડા માર્ગ પર મોટરસાઇકલ નંબર GJ/19/AE/7394 પર 20 કિલો ગોમાંસ સાથે ઝડપી પાડ્યો હતો.

જોકે કોસાડી ગામનાં ખાડી ફળિયામાં રહેતો સુલેમાન ઉર્ફે સૂર્યા ઈસ્માઈલ મમજી અગાઉ પણ અનેક વખત ગોમાંસના ગુનામાં પકડાઈ ચૂક્યો છે તેમજ માંગરોળ પોલીસે તેની પાસેથી 20 કિલો ગોમાંસ જેની કિંમત રૂપિયા 3000, 1 નંગ મોબાઇલ અને બાઇક મળી કુલ રૂપિયા 18,500/-નો મુદ્દામાલ કબ્જે કર્યો હતો. જોકે હાલ શંકાસ્પદ ગૌમાંસ FSLમાં ચકાસણી માટે મોકલ્યું છે. તેમજ આ ગુનામાં તેમના જ ફળિયામાં રહેતા મારુજીભાઈ સુખદેવ વસાવા નાઓને વોન્ટેડ જાહેર કરવામાં આવ્યો હતો.