માંડવીનાં નૌગામા ગામે એક મહિના પહેલા પત્નીનું અવસાન થતા તણાવમાં રહેતા પતિએ ઝેરી દવા પી આત્માહત્યા કરી લીધી હતી. સુત્રો પાસેથી મળતી માહિતી મુજબ, માંડવી તાલુકાનાં નગામા ગામે મંદિર ફળિયામાં રહેતા રાકેશભાઈ વલ્લભભાઈ પટેલ (ઉ.વ.45)ની પત્ની નેહાબેનનું એકાદ મહિના પહેલા અવસાન થયું હતું. જેના કારણે રાકેશભાઈ સતત તણાવમાં રહેતા હતા. જેથી તેઓએ ગત તારીખ 04/06/2024નાં રોજ સાંજે 5 વાગ્યા અરસામાં તે ઘરેથી તેની બાઈક લઈને બહાર ગયા હતા. તેઓ સાંજે 6 વાગ્યે તે ઝેરી દવા પીધેલી હાલતમાં તેના ઘરે પહોચતા પરિવારજનો તેને તાત્કાલિક તડકેશ્વરની શીફા હોસ્પિટલમાં લઈ ગયા હતા ત્યાંથી વધુ સારવાર માટે સુરતની સ્મીમેર હોસ્પિટલમાં દાખલ કરવામાં આવ્યા હતા. જ્યાં તેનું બીજા દિવસે મોત થયું હતું.