ઓલપાડ તાલુકાનાં લવાછા ગામે એક બુટલેગરનાં ઘરના આગળના ભાગે ભારતીય બનાવટનો વિદેશી દારૂનો જથ્થો સંતાડી રાખેલ દારૂનો જથ્થા મળી આવ્યો હતો. સુત્રો પાસેથી મળતી માહિતી અનુસાર, ઓલપાડ પોલીસ સ્ટાફનાં માણસો પેટ્રોલીંગમા હતા તે દરમિયાન ખાનગી રાહે બાતમી મળી હતી કે, લવાછા ગામનાં નિશાળ ફળિયામાં રહેતા બુટલેગર ભીખુભાઇ છનાભાઇ પટેલ નાએ પોતાના ઘરના આગળના ભાગે ભારતીય બનાવટનો વિદેશી દારૂનો જથ્થો સંતાડી રાખેલ છે.

જે બાતમીનાં આધારે પોલીસ સ્ટાફનાં માણસોએ બાતમીવાળી જગ્યાએ રેડ કરતા ભીખુભાઇના ઘર આગળથી 552 નંગ વિદેશી દારૂની બોટલો મળી આવી હતી જેની કિંમત રૂપિયા 1,12,800/- હતો જોકે ઘરે ભીખુભાઇ છનાભાઇ પટેલ ન મળી આવતાં તેમણે પોલીસ ચોપડે વોન્ટેડ જાહેર કરી આગળની કાર્યવાહી હાથ ધરવામાં આવી હતી.